Profili
Dr. Nishant Taneja është një ekspert i njohur në trajtimin mjekësor dhe kirurgjikal të sëmundjeve të retinës dhe të trupit qelqor. Është i specializuar në të gjithë spektrin e sëmundjeve që prekin pjesën e pasme të syrit, duke përfshirë degjenerimin makular, retinopatinë diabetike, bllokimet vaskulare të retinës, vrimat makulare, membranat epiretinale, çarjet dhe shkëputjet e retinës, sëmundjet e trashëgueshme dhe inflamatore të retinës, si dhe traumat dhe tumoret okulare.
Doktor Taneja përfundoi doktoraturën e tij në oftalmologji (MD në Oftalmologji) në Institutin e Shkencave Mjekësore të Indisë (AIIMS), kolegji mjekësor prestigjioz dhe kryesor i Indisë në 2003. Gjatë kohës së tij në AIIMS, u specializua në të gjitha teknikat e ndërhyrjeve të ndërlikuara të kataraktit dhe glaukomës . Më pas përfundoi studimet për sëmundjet dhe kirurgjinë e retinës dhe të trupit qelqor në Institutin e Syve V Prasad, Hyderabad, Indi. Një qendër themelore për studimin dhe trajnimin e retinës/trupit qelqor. Fusha e tij e kërkimit ishin uveiti i pasëm, infeksionet okulare dhe neuropatitë optike.
Dr. Taneja nisi të praktikohet si kirurg vitreoretinal në vitin 2005 në Nju Delhi, në Indi. Punoi si kirurg vitreoretinal konsulent në Spitalin e nivelit të parë dhe në Institutin Pasuniversitar, Noida nga viti 2007 deri në 2009.
Dr. Taneja kaloi 9 vitet e para të karrierës së tij mjekësore si oftalmolog dhe kirurg i retinës në Indi, ku fitoi përvojë në kryerjen e të gjitha llojeve të ndërhyrjeve të syrit, kërkimeve dhe lazerit.
Në 13 vitet e fundit, Dr. Taneja ka punuar me kohë të plotë në Shqipëri, duke kontribuar në trajtimin mjekësor dhe kirurgjikal të sëmundjeve më të ndërlikuara të syrit. Ai drejtohet nga një nivel i lartë i integritetit personal dhe profesional, i cili vjen në formën e shqetësimit për pacientët e tij si dhe në përkushtimin e tij ndaj oftalmologjisë.
Megjithëse qëllimi kryesor i Dr. Tanejas është ofrimi i kujdesit më cilësor, të dhembshur dhe të përditësuar për pacientët e tij, thellimi i njohurive dhe trajtimit të sëmundjeve të retinës është gjithashtu shumë i rëndësishëm për të. Ai ka botuar shumë artikuj shkencorë origjinalë në publikime profesionale mbi sëmundjet e retinës. Është një anëtar aktiv i Shoqatës Amerikane të Specialistëve të Retinës (ASRS), Shoqatës Evropiane të Vitreoretinës (EVRS), Shoqatës Oftalmologjike të Indisë (AIOS) dhe Shoqatës Vitreoretinale të Indisë (VRSI).
Dr. Taneja vazhdoi studimet e tij mjekësore dhe përmirësimin kirurgjikal me studimet në qendrat prestigjioze si spitali i syve Morfield, Londër (2017) dhe Shoqata e bashkëpunëtorëve oftalmologë të Bostonit, SHBA (2018). Dr. Taneja ka marrë pjesë gjithashtu në disa programe mësimore dhe informuese.
Dr. Taneja ka një interes të veçantë në menaxhimin kirurgjik të:
- Sëmundjet e retinës dhe të trupit qelqor si retinopatia diabetike, vrimat makulare, hemorragjia e trupit qelqor, membranat epiretinale, çarjet dhe shkëputjet e retinës.
- Retinopatia e prematuritetit: Injektimet inravitreale, Lazer, Krioterapi dhe Vitrektomi.
- Menaxhimi i ndërlikimeve pas ndërhyrjeve të segmentit të përparmë si prolapsi i trupit qelqor, hemorragjia e trupit qelqor, hemorragjia ekspulsive, rënia e bërthamës ose e lenteve kristalore.
- Implantimi dytësor i lenteve intraokulare: Fiksimi skleral i lenteve intraokulare të pjesës së pasme PCIOL, Qepja në iris të lenteve intraokulare IOL, Kapja në iris e lenteve intraokulare IOL, Qepja intrasklerale me më pak fiksim të lenteve intraokulare IOL.
- Trauma okulare e ndërlikuar duke përfshirë heqjen e mishit të huaj intraokular dhe kirurgjinë nga skaji në skaj, ku kombinohen në një seancë, transplanti i kornesë me vitrektominë.
- Infeksionet okulare duke përfshirë celulititin orbital, keratitin infektiv, endoftalmitin (endogjen dhe ekzogjen) dhe panoftalmitin.
- Çrregullime okulare pediatrike si glaukoma e lindur dhe shkëputja e retinës pediatrike.
- Fakoemulsifikimi për kataraktin me Iente intraokulare multifokale premium.
- Kirurgjitë e glaukomës që përfshinë trabekulektominë, visko-kanalostominë, kanaloplastikën dhe kirurgjinë e valvulave.
- Kirurgjia e kataraktit të lindur.
- Neuroftalmologjia: Të gjitha sëmundjet e nervit optik, duke përfshirë neuropatitë optike demielinizuese, shtypëse, inflamatore, ishemike dhe traumatike.
- Elektrofiziologjia: Vep, Erg, Eog.
- Transplanti i irisit artificial.
- Trajtim i plotë për keratokonin: ndërlidhje, unaza korneale, lente kontakti të forta dhe transplant të kornesë.