Retinopeksia (Lazer/Kriopeksi) dhe Fotokoagulimi me Lazer i Retinës
Retinopeksia dhe fotokoagulimi me lazer i retinës nën kujdesin e Dr. Nishant Taneja, në Indian Eye Institute and Laser Center në Tiranë. Trajtimi personalizohet për çarjet dhe shkëputjet e pjesshme të retinës, sëmundjen diabetike të syrit, bllokimin vaskular të retinës dhe sëmundje të tjera të retinës.
Çfarë janë Retinopeksia dhe Fotokoagulimi me Lazer i Retinës?
Retinopeksia përdor lazerin ose kriopeksinë për të krijuar një mbresë mbrojtëse rreth çarjes së retinës, duke ndihmuar në fiksimin e saj dhe kufizimin e kalimit të lëngut. Përdoret për çarjet dhe raste të përzgjedhura të shkëputjes së pjesshme të retinës.
Fotokoagulimi me lazer përdoret për trajtimin e sëmundjes diabetike të syrit, bllokimit vaskular dhe sëmundjeve të tjera të retinës, duke trajtuar zonat e dëmtuara, rrjedhjen e lëngut ose enët jonormale.
Dr. Nishant Taneja ka përvojë të gjerë në këto procedura dhe në terapinë fotodinamike (PDT). Ai trajnon gjithashtu oftalmologë dhe specialistë të rinj, duke ndarë eksperiencën e tij të vyer shumëvjeçare.
INFORMACION I SHKURTËR PËR PËR RETINOPEKSINË DHE LAZERIN E RETINËS
Kohazgjatja:
Rikuperimi:
Anestezia:
Përvoja klinike:
GALERIA E FOTOVE
Momente me Pacientët Tanë
Cilat simptoma mund të tregojnë një çarje ose sëmundje të retinës?
Disa sëmundje të retinës mund të mos shkaktojnë simptoma në fazat e hershme. Shenjat që kërkojnë ekzaminim të shpejtë nga mjeku okulist përfshijnë:
Shkëndija ose vezullime drite
Njolla të reja lëvizëse
Hije ose perde në shikim
Humbje e shikimit periferik
Shikim i turbullt ose i shtrembëruar
Ulje e papritur e shikimit
Opsionet e Trajtimit të Retinës
Trajtimi përzgjidhet pas ekzaminimit, sipas sëmundjes dhe shkallës së dëmtimit të retinës.
Retinopeksia me Lazer ose Kriopeksi
Retinopeksia me lazer dhe kriopeksia përdoren për trajtimin e çarjeve të retinës dhe rasteve të përzgjedhura të shkëputjes së pjesshme të saj. Të dyja procedurat krijojnë një mbresë mbrojtëse që ndihmon në fiksimin e retinës dhe kufizimin e përparimit të dëmtimit.
Lazeri aplikohet rreth çarjes së retinës, ndërsa kriopeksia përdor ftohje të kontrolluar nga pjesa e jashtme e syrit. Për shkëputjet më të avancuara mund të nevojitet ndërhyrje kirurgjikale.
Fotokoagulimi me Lazer i Retinës
Fotokoagulimi me lazer përdoret për trajtimin e sëmundjes diabetike të syrit, bllokimit vaskular të retinës dhe sëmundjeve të tjera të saj.
Lazeri drejtohet në zona të përzgjedhura të retinës për të trajtuar indin e dëmtuar, rrjedhjen e lëngut ose enët e reja jonormale. Sipas sëmundjes, mund të nevojiten një ose më shumë seanca.
Terapia Fotodinamike (PDT)
Terapia fotodinamike përdoret për trajtimin e disa sëmundjeve të retinës. Procedura kombinon një medikament të ndjeshëm ndaj dritës me një lazer të posaçëm, i cili e aktivizon medikamentin në zonën e synuar.
Pas PDT-së, pacienti duhet të shmangë ekspozimin ndaj rrezeve të diellit për disa ditë ose për periudhën e rekomanduar nga klinika.
Sipas sëmundjes, trajtimi me lazer kryhet në klinikë ose herë pas here në sallë. Kriopeksia zakonisht kryhet në sallë, por në disa raste mund të realizohet edhe në klinikë.
Dr. Nishant Taneja ka përvojë të gjerë në këto procedura dhe trajnon gjithashtu oftalmologë dhe specialistë të rinj të retinës.
Sipas ndryshimeve në retinë, trajtimi mund të përfshijë injeksione anti-VEGF, lazer ose vitrektomi. Dr. Nishant Taneja e përshtat trajtimin sipas sëmundjes, shkallës së dëmtimit të retinës dhe nevojave të pacientit.
Përfitimet e Retinopeksisë dhe Lazerit të Retinës
Këto trajtime synojnë të mbrojnë retinën, të kontrollojnë përparimin e sëmundjes dhe të reduktojnë rrezikun e humbjes së mëtejshme të shikimit. Rezultati varet nga diagnoza dhe shkalla e dëmtimit të retinës.
Trajtimi i çarjeve të retinës
Kufizimi i shkëputjes së retinës
Kontrolli i enëve jonormale
Kontrolli i rrjedhjes së lëngut
Trajtim i personalizuar
Trajtime të Personalizuara për Sëmundjet e Retinës
Retinopeksia me Lazer ose Kriopeksi
Retinopeksia me lazer ose kriopeksia përdoret për të trajtuar çarjet, vrimat dhe raste të përzgjedhura të shkëputjes së pjesshme të retinës.
- Çarje të retinës
- Krijimi i vrimave në retinë
- Shkëputje të pjesshme
- Zona periferike me rrezik për përparim
Fotokoagulimi me Lazer i Retinës
Fotokoagulimi përdor pika të kontrolluara lazeri për trajtimin e zonave të dëmtuara, ishemike ose me enë të reja jonormale.
- Retinopatinë diabetike
- Bllokimin vaskular të retinës
- Enët e reja jonormale
- Sëmundje të tjera të përzgjedhura të retinës
Terapia Fotodinamike (PDT)
PDT-ja kombinon një medikament të ndjeshëm ndaj dritës me një lazer të posaçëm për trajtimin e zonës së synuar të retinës.
- Medikament të aktivizuar nga drita
- Aplikim të drejtuar të lazerit
- Trajtim të zonës së përzgjedhur
- Mbrojtje nga rrezet e diellit pas procedurës
Çfarë të prisni
01. Ekzaminimi i Retinës
Gjatë ekzaminimit përcaktohet mprehtësia e shikimit, matet presioni intraokular dhe syri studiohet me biomikroskop. Më pas përdoren pika për zgjerimin e bebëzave, në mënyrë që të ekzaminohet retina qendrore dhe periferike.
Ekzaminimi ndihmon në identifikimin e çarjeve, vrimave, shkëputjes së pjesshme, gjakderdhjes, ishemisë, rrjedhjes së lëngut ose enëve të reja jonormale.
Sipas gjendjes së pacientit, mund të kryhen OCT-ja, fotografimi i retinës, angiografia ose ekzaminime të tjera të nevojshme për planifikimin e trajtimit.
02. Procedura
Sipas natyrës së sëmundjes, trajtimi me lazer zakonisht kryhet në klinikë, por herë pas here mund të kryhet në sallë. Në sy aplikohen pika anestezike lokale dhe mund të vendoset një lente e posaçme për drejtimin e saktë të lazerit.
Gjatë retinopeksisë, lazeri vendoset përreth çarjes ose vrimës së retinës. Gjatë fotokoagulimit, pikat e lazerit aplikohen në zonat e retinës që kërkojnë trajtim.
Kriopeksia zakonisht kryhet në sallë, megjithëse në disa raste mund të realizohet në klinikë. Një sondë e posaçme vendoset nga pjesa e jashtme e syrit dhe krijon një ngrirje të kontrolluar në zonën përreth çarjes.
Gjatë PDT-së përdoret një medikament i ndjeshëm ndaj dritës, i cili aktivizohet me lazer në zonën e synuar. Procedura përzgjidhet vetëm kur konsiderohet e përshtatshme për gjendjen e retinës.
03. Rikuperimi dhe Kontrollet
Pas trajtimit mund të shfaqen përkohësisht turbullim i shikimit, ndjeshmëri ndaj dritës ose parehati e lehtë. Pacienti duhet të ndjekë udhëzimet e dhëna nga klinika dhe të përdorë medikamentet e përshkruara.
Nuk duhet të drejtohet makina derisa efekti i pikave për zgjerimin e bebëzave të ketë kaluar dhe shikimi të jetë mjaftueshëm i qartë. Aktivitetet fizike rifillohen sipas udhëzimit të Dr. Taneja.
Mund të nevojiten kontrolle dhe seanca të tjera lazeri, në varësi të shërimit të çarjes, gjendjes së retinës dhe përgjigjes ndaj trajtimit.
Shfaqja e një perdeje në shikim, shtimi i papritur i njollave lëvizëse, dhimbja e fortë ose ulja e menjëhershme e shikimit kërkojnë kontakt urgjent me klinikën.
Klinika Indiane e Syrit Tiranë: +15 Vite Besim
Retinë | Katarakt | Kirurgji Refraktive
Kujdesi i duhur për një jetë me shikim të qartë
Çdo trajtim i suksesshëm fillon me një diagnozë të saktë dhe një plan kujdesi të personalizuar. Zbuloni historitë reale të pacientëve që i besojnë Indian Eye Institute and Laser Center.
Unë kam Glaukomë të Avancuar në të dy sytë dhe i jam nënshtruar operacionit të Glaukomës dhe Kataraktit me Dr. Taneja. Unë jam nën ndjekje të rregullt me Dr. Taneja për 11 vitet e fundit.
Jam shumë i lumtur dhe i kënaqur me eksperiencat e mia në zyrën e Dr. Taneja. Stafi është i dobishëm, i ditur, kompetent dhe shumë i këndshëm. Dr. Taneja ka punuar me zell për të ruajtur shikimin tim dhe jam jashtëzakonisht i kënaqur me kujdesin që është treguar ndaj meje. Ai meriton të njihet se sa i mirë është në atë që bën. Unë do ta rekomandoja 100% për këdo që ka probleme serioze me sytë.
Unë vuaj nga një problem afatgjatë me “fluturat” në të dy sytë e mi. Vërtet një ekspert në fushën e tij që i lejon pacientët të marrin në konsideratë opsionet që nuk janë kirurgjikale si mjeti i parë i shërimit dhe trajtimit. Dr. Nishant Taneja është profesionist dhe i sjellshëm përsa i përket trajtimit të pacientëve me respekt dhe komunikimit të qartë në termat që ne si njerëz të thjeshtë mund t’i kuptojmë. Mendoj se ai është i ndershëm dhe i drejtë dhe po më bën një punë të mirë.
Unë jam pacient i Dr. Nishant Taneja që nga viti 2010 me diagnozën e Degjenerimit Makular të Lagësht. Ai më ka trajtuar me Avastin, Eylea dhe tani me Brolicizumab dhe unë ende mund të lexoj me shkronja të mëdha.
Unë ia dedikoj shikimin tim trajtimeve të tij. Ai është kujdesur mirë për sytë e mi. Stafi është absolutisht i jashtëzakonshëm në mirësjelljen dhe profesionalizmin e tyre. Jam në moshën 93- vjeçare dhe ende mund të lexoj qartë. Faleminderit!
Mendova se do të isha i verbër në syrin tim të majtë kur erdha për herë të parë. Unë u diagnostikova me hemorragji qelqore si pasojë e shkëputjes së xhelit të qelqit. Pas lazerit, shikimi im u kthye në atë që ishte.
Këtu kam pasur kujdes të shkëlqyer mjekësor. I gjithë stafi ka qenë shumë i këndshëm dhe m’i ka bërë gjërat shumë më të lehta. Jam shume i lumtur.
Shumë faleminderit për të gjithë stafin. I gjithë procesi i operacionit tim të Kataraktit dhe kujdesi që kam marrë ka qenë më i miri nga çdo praktikë mjekësore që kam hasur ndonjëherë. Stafi dhe teknologjia ishin të nivelit të lartë. Dr. Taneja është thjesht fenomenal. Faleminderit përsëri.
Unë iu nënshtrova një operacioni për Shkëputjen Retinale javën e kaluar. Nuk kishte dhimbje gjatë apo pas operacionit. Fjeta mirë një natë më pas, pa nevojën e ilaçeve kundër dhimbjeve. Nëse dikush ka pyetje për operacionin e retinës, më telefononi.
Jam i impresionuar me cilësinë e lartë të kujdesit ndaj pacientit, në këtë rast kundrejt meje, të ofruar nga Dr. Taneja në Indian Eye Institute. Unë ju vlerësoj shumë.
Unë jam një diabetik për mbi 30 vjet. Në 5 vitet e fundit, shikimi im u përkeqësuar gradualisht. Unë isha duke marrë trajtimin me okulistin tim për 4 vitet e fundit. Trajtimi ishte me injeksion, por situata dukej se po përkeqësohej. Mezi shihja për t’i dhënë makinës, nuk mund të lexoja asgjë në celularin tim dhe filloi të bëhej e vështirë të njihja njerëzit nga larg. Kështu, zgjodha të vizitoj Dr. Nishant Taneja me rekomandimin e mjekut tim të syrit. Ai ishte i shpejtë, efikas dhe profesionist. Brenda pak minutash, ai bëri një diagramë për trajtimin e të dy syve të mi dhe më këshilloi të ndiqja “planin e trajtimit”. Më bëri vërtet përshtypje energjia, optimizmi dhe besimi i tij.
Pas disa injeksioneve dhe trajtimeve me lazer, ai tha se kisha nevojë për një Vitrektomi në syrin tim të majtë. Shkoi perfekt, pa probleme. Shikimi mu rikthye 20/20 në atë sy. Isha si dikush që hapi sytë për herë të parë.
Pas shërimit nga ajo procedurë, Dr. Taneja tha se edhe syri i djathtë kishte nevojë për operacion. Pra, pa hezitim, e bëra edhe atë sy. Tani jam 20/20 në të dy sytë dhe gjithçka është e mrekullueshme.
Unë mund t’i shoh dy nipërit e mi të rinj me sy të pastër. Kjo ka ndryshuar cilësinë e jetës sime jashtë mase. Pa dyshim, unë jam ndoshta pacienti më i lumtur që ka pasur Dr. Taneja!
Jam i lumtur të shpreh vlerësimin tim për Dr. Taneja dhe stafin e tij të jashtëzakonshëm.
Nëse po e lexoni këtë koment që të vendosni për një Specialist të Retinës, ju jeni padyshim në vendin e duhur! Një Doktor dhe Staf shumë të mirë. Më shumë se plotësisht i kënaqur!
Besoj se Dr. Taneja është një kirurg shumë i talentuar.
Fillova të mbaja syze dhe kontakte në moshën 12 vjeçare. I vendosa për të parë dhe lexuar. Gjatë stinës së pranverës, poleni më hyri në sy dhe nuk mund të mbaja më kontaktet e mia.
Pas operacioneve të kryera nga Dr. Taneja, kalova nga verbëria, në shikim pa kontakte apo syze.
Do ta rekomandoja Dr. Nishant Taneja për çdo operacion që bën. Ai është shumë i përpiktë, i dhembshur dhe i kuptueshëm.
Ai më bëri një mrekulli. Falenderoj Zotin për talentin e tij.
Video Edukuese për Pacientët
Të Gjitha
Procedura SMILE Pro
Trauma kimike në sy
Retinopatia diabetike
Shenjat që nuk duhen injoruar
Ekzaminimi dhe trajtimi
Shkarkoni Udhëzuesit Falas për Pacientët
Pyetjet më të Shpeshta
Jo. Lazeri dhe kriopeksia përdoren kryesisht për çarjet, vrimat dhe raste të përzgjedhura të shkëputjes së pjesshme të retinës. Shkëputjet më të përhapura mund të kërkojnë ndërhyrje kirurgjikale. Trajtimi përcaktohet pas ekzaminimit të plotë.
Qëllimi kryesor i retinopeksisë dhe fotokoagulimit është të kontrollojnë sëmundjen dhe të reduktojnë rrezikun e humbjes së mëtejshme të shikimit. Përmirësimi varet nga sëmundja dhe dëmtimi që ka ndodhur përpara trajtimit.
Numri i seancave varet nga sëmundja, zona që duhet trajtuar dhe përgjigjja e retinës. Disa çarje mund të trajtohen në një seancë, ndërsa sëmundjet diabetike ose vaskulare mund të kërkojnë trajtime të përsëritura.
Rikuperimi ndryshon sipas procedurës. Turbullimi nga pikat për zgjerimin e bebëzave dhe parehatia e lehtë zakonisht janë të përkohshme. Pacienti duhet të shmangë drejtimin e makinës dhe aktivitetet e rënda derisa të marrë udhëzimin e mjekut.
Hidhni Hapin e Parë Drejt një Shikimi më të Mirë.
Plotësoni formularin më poshtë dhe ekipi ynë do t’ju kontaktojë
për të planifikuar një konsultën dhe për t’iu përgjigjur pyetjeve tuaja.
